Një 23 vjeçare disa herë mashtroi Policët e Kosovës se ishte “nga Prokuroria”

Hetuesit policorë në kuadër të Stacionit Policor ‘Jugu’ në Mitrovicë, pas një pune hetimore, gjatë ditës së sotme në cilësi të së dyshuarës kanë intervistuar të dyshuarën O.R., 23 vjeçare, shtetase e Republikës Kosovës për veprën penale “Prezantim i rremë”.

Mbi dyshime të ngritura se është prezantuar në mënyrë të kundërligjshme apo të rremë, hetuesit policorë kanë ndërmarrë veprime hetimore, pasi që e dyshuara ditë më parë në kohën kur është ndalur nga Policia në Mitrovicë, gjatë kontrollit rutinor, ka tentuar t’i vë në lajthitje zyrtarët policorë nën arsyetimin se është punonjëse – zyrtare e Prokurorisë.

Pas verifikimeve të bëra, ka rezultuar se e dyshuar nuk është punonjëse në sistemin e Prokurorisë së Kosovës, e njëjta dyshohet se edhe në disa raste të tjera është prezantuar si punonjëse e Prokurorisë.

Ndërsa pas procedurave të intervistimit, me urdhër të prokurorit të rastit e dyshuara është liruar për në procedurë të rregullt.

Nuk dihet se për çfarë motivesh zonja në fjalë ka bërë një prezantim të tillë dhe nëse ka dëmtuar raste të caktuara.

Leave a Reply