Vuçiq: Këta janë “zullumet“ e rradhës qe do i bëj ndaj Kosovës

Presidenti i Serbisë, Aleksandar Vuçiq, në një intervistë per mediet serbe, ka kërcnuar duke thënë se do shtohet numri i shteteve që do e tërheqin njohjen diplomatike të Kosovës, derisa është shprehur se është i dëshpëruar me Greqinë, nën vazhdën e raportimeve se ky shtet do e njeh Kosovën.

Vuçiq, në intervistë për B92, nuk ka lënë pa përmendur as presidenten e Kosovës, Vjosa Osmani, e as kryeministrin Albin Kurti, duke i quajtur si “skifterë të mëdhenj shqiptarë”, shkruan Gazeta Express.

“Por skifterët e politikës së Madhe Shqiptare erdhën në pushtet, duke shijuar simpatitë e mëdha të Perëndimit, veçanërisht Gjermanisë, jo aq shumë të Amerikës, sepse ata e shohin Ministrin e Punëve të Jashtme në Prishtinë si të tyren. Osmani është një studente amerikane, Kurti është i martuar për një norvegjez. Këta janë skifterët shqiptarë, që disa i paraqesin si njerëz të mirë”, ka deklaruar ai.

“Do ta shihni se sa vende do ta tërheqin njohjen [ndaj Kosovës]. Dhe pastaj do të shihni se si një Serbi e vogël po Iufton si “miu në qoshe”, siç thotë një doktrinë britanike, ne do të Iuftojmë ashtu siç dimë”, ka kërcnuar Vuçiq.