“Xhandarmeria serbe gati” – MUP-i publikon video provokative te ushtrise e tankeve serbe

Shteti serb po vazhdon të nxisë dhe provokojë situatën pas zhvillimeve në veri të Kosovës ku aktualisht gjendet Policia e Kosovës.

Ministria e Brendshme Serbe në kanalin e saj zyrtar ka shpërndarë  një video të xhandarmërisë serbe, ku shihen ushtarë dhe automjete ushtarake, përfshirë edhe auto-blinda, shkruan lajmi.net.

Në video madje shihet edhe ministri i Brendshëm i Serbisë, Aleksander Vulin.

“ Xhandarmëria është gati që të kryejë detyrat e caktuara nga Serbia dhe presidenti Vuçiq”, thuhet në videon e publikuar.

Kujtojmë se edhe gjatë mbrëmjes së djeshme,  mediat në Serbi raportuan se vetura ushtarake serbe i janë afruar kufirit me Kosovën pas tensioneve në veri. /Lajmi.net/